Խորհրդարանական համակարգում քաղաքացիներն իրենց ավելի պաշտպանված կզգան. Արտակ Զաքարյան

Հայաստանի Հանրապետությունում գործող կառավարման ձևը չի կարող լիարժեք լուծում տալ քաղաքացիների խնդիրներին: Լրագրողների հետ հոկտեմբերի 31-ին կայացած հանդիպմանն այսպիսի կարծիք հայտնեց ՀՀ Ազգային ժողովի արտաքին հարաբերությունների հանձնաժողովի նախագահ և ԱԺ «Հանրապետական» խմբակցության պատգամավոր Արտակ Զաքարյանը: «Խորհրդարանական կառավարման մոդելը հնարավորություն է ընձեռում Ազգային ժողովին ունենալ ավելի մեծ լծակներ ներազդելու Կառավարության վրա և սոցիալական առումով քաղաքացիներն իրենց ավելի պաշտպանված կզգան»,- «Արմենպրես»-ի հաղորդմամբ' նշեց նա:

Նա նկատեց, որ երկրում համակարգային փոփոխություններ իրականացնելու ամենաիրատեսական ճանապարհը Սահմանադրական փոփոխություններն են: «Սահմանադրական փոփոխությունների դեպքում Ազգային ժողովը դառնալու է ներկայացուցչական մարմին, որտեղ կուսակցությունները կզարգանան և գաղափարական միտք կարտահայտեն և մարդիկ իրապես իրենց խնդիրների լուծումը կկապեն հենց խորհրդարանի հետ»,-շեշտեց Արտակ Զաքարյանը:

Դեկտեմբերի 6-ին Հայաստանում տեղի կունենա սահմանադրական բարեփոխումների հանրաքվեն: Ազգային ժողովի երկու խոշորուժեր' «Հանրապետական» և ԲՀԿ խմբակցությունները աջակցում են փոփոխությունների անցկացմանը, նրանց է միացել նաև«Դաշնակցություն» խմբակցությունը: Փոփոխություններին դեմ են հանդես եկել «Ժառանգություն», ՀԱԿ և ՕԵԿխմբակցությունները: