ԱՄՆ փորձագետներին տպավորել են Հայաստանի մաքսային համակարգի աշխատակիցների մասնագիտական կարողությունները
ԱՐԽԻՎ
Ֆինանսների նախարարության նախաձեռնությամբ և ԱՄՆ Առևտրի դեպարտամենտի առևտրային իրավունքի զարգացման ծրագրի աջակցությամբ Երևանում անցկացվել է մաքսային արժեքի որոշման, ապրանքների դասակարգման ու հետբացթողումային ստուգման ընթացակարգերի հարցերով երրորդ աշխատաժողովը, որին մասնակցել է մաքսային ծառայության շուրջ 30 աշխատակից: ՀՀ ՖՆ մաքսային հսկողության վարչության պետ Գևորգ Սաղոյանի խոսքով, ծրագրի նպատակն է Հայաստանի մաքսային ծառայողների մասնագիտական պատրաստվածության հետագա կատարելագործումն ու մաքսային գործընթացների համապատասխանության ապահովումը միջազգային նորմերին և գործելակարգին. «Ամերիկյան փորձագետների հետ կազմակերպել ենք գործնական քննարկումներ մաքսային արժեքի որոշման, ապրանքների դասակարգման և հատբացթողումային ստուգման թեմաներով, որոնց արդյունքում կատարվել են համապատասխան վերլուծությու ններ և անհրաժեշտության դեպքում տրվել են ցուցումներ' տեղերում աշխատանքի կազմակերպման վերաբերյալ»:
Աշխատաժողովի մասնակից ԱՄՆ փորձագետներին տպավորել են Հայաստանի մաքսային համակարգի աշխատակիցների մասնագիտական կարողությունները: Նրանց գնահատմամբ, հայ մասնագետները շատ կիրթ են ու զարգացած: Եռօրյա աշխատաժողովում դասախոսությունների, վարժությունների, խմբային քննարկումների միջոցով անդրադարձ է կատարվել մաքսային արժեքի և ռիսկերի գնահատման, ստուգման թիրախնե րի ընտրության, ներմուծողների ինքնահայտարարագրման, ոչ ամբողջական տեղեկատվության ու փաստերի բացակայության պարագայում ստուգումների անցկացման և բազմաթիվ այլ հարցերի: Աշխատաժողովի ավարտին ՀՀ ՖՆ մաքսային հսկողության վարչության պետ Գևորգ Սաղոյանը միջոցառման մասնակիցներին հանձնել է հավաստագրեր:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
