ԱՄՆ-ում մահացել է հայտնի դերասան, նախկին սենատոր Ֆրեդ Թոմփսոնը

Թենեսիի նահանգի Նեշվիլ քաղաքում նոյեմբերի 1-ին կյանքի 74-րդ տարում վախճանվել է հայտնի դերասան և Հանրապետական կուսակցությունից նախկին սենատոր Ֆրեդ Դալթոն Թոմփսոնը, տեղեկացնում է «Արմենպրես»-ը՝ հղում անելով BBC-ին:

Ֆրեդ Թոմփսոնն առաջին անգամ որպես դերասան իր մասին բարձրաձայն հայտարարել է՝ խաղալով ԿՀՎ-ի տնօրենի դերը 1987 թվական «Ելք չկա» թրիլերում: Դրան հաջորդել է օդանավակայանի տնօրենի՝ ոչ պակաս վառ էպիզոդիկ դերն «Ամուր կաղին 2» մարտաֆիլմում, իսկ 2000-ական թվականների սկզբին Թոմփսոնը մի քանի տարի անընդմեջ հայտնվել է «Օրենք և կարգ» «տևանվագ» հեռուստասերիալում:

Ընդամենը նա կինոյում և հեռուստատեսությունում խաղացել է ավելի քան 20 դեր:

Էլ ավելի հաջող է դասավորվել Թոմփսոնի քաղաքական կարիերան: 1994 թվականին նա սենատոր է ընտրվել Թենեսիի նահանգից՝ արժանանալով «Սենատի ծագող աստղի» տիտղոսին և այդ պաշտոնը հաջողությամբ զբաղեցրել է մինչև 2003 թվականը:

2007 թվականին Ֆրեդ Թոմփսոնը հայտարարել է իր նախագահական հավակնությունների մասին և դարձել Հանրապետական կուսակցությունից ընտրությունների մասնակցության հավակնորդներից մեկը, բայց չի կարողացել հաջող ընտրարշավ անցկացնել:

Թոմփսոնի մահվան պատճառ է դարձել քաղցկեղը, որի դեմ դերասանը և սենատորը պայքարում էր վերջին տասը տարում: