«Կոգալիմավիա»-ն ներկայացրել է A321-ի կործանման պատճառի իր վարկածը

«Կոգալիմավիա» ավիաընկերությունում այն կարծիքին են, որ A321 ինքնաթիռի կործանման պատճառ Է դարձել արտաքին ներգործությունը: Այդ մասին մամուլի ասուլիսում հայտարարել Է ավիափոխադրողի ներկայացուցիչը, տեղեկացնում Է «Արմենպրես»-ը՝ հղում անելով ՌԻԱ Նովոստիին:

«Միակ պատճառը կարող Է լինել մեխանիկական ներգործությունն օդանավի վրա,-նշել Է «Կոգալիմավիա»-ի փոխտնօրեն Ալեքսանդր Սմիռնովը:-Չկան համակարգերի խափանման այնպիսի զուգորդումներ, որոնք կարողանային հանգեցնել այն բանին, որ ինքնաթիռը կործանվեր օդում»:

Ընկերությունում կասկածում են, թե ինքնաթիռը կարող Էր աղետի ենթարկվել տեխնիկական անսարքությունների պատճառով: Սմիռնովը ճշտել Է, որ անկման պահին օդաչուն աղետի ազանշան չի տվել: «Ըստ երեւույթին աղետալի իրադրության սկսվելու պահին անձնակազմն ամբողջովին կորցրել Է աշխատունակությունը»,-հավելել Է «Կոգալիմավիա»-ի ներկայացուցիչը:

«Կոգալիմավիա» ռուսական ավիաընկերության A321 ինքնաթիռը, որը կատարում էր Շարմ էշ Շեյխ-Սանկտ Պետերբուրգ չվերթը, աղետի է ենթարկվել հոկտեմբերի 31-ին թռիչքից մոտավորապես կես ժամ անց Հյուսիսային Սինայի մարզի վարչական կենտրոն Էլ Արիշ քաղաքից 100 կիլոմետր հարավ ընկած շրջանում՝ Էլ Հասնա բնակավայրի մերձակայքում: Ընդամենն ինքնաթիռում եղել է 217 ուղեւոր եւ անձնակազմի յոթ անդամ: Նրանցից՝ ոչ ոք չի փրկվել:

Ուղեւորների մեծամասնությունը ռուսաստանցիներ էին: Ճշտված տվյալներով՝ Եգիպտոսում կործանված ինքնաթիռում եղել են 132 պետերբուրգցիներ, Լենինգրադի մարզի 46 բնակիչներ, Ռուսաստանի այլ տարածաշրջանների 34 բնակիչներ, Ուկրաինայի չորս եւ Բելառուսի մեկ քաղաքացի: