Քեմերոնը հրաժարվեց Սիրիայում ԻՊ-ի դիրքերի ռմբակոծումների գաղափարից
ԱՐԽԻՎ
Մեծ Բրիտանիայի վարչապետ Դևիդ Քեմերոնը խորհրդարանում քվեարկության չի դնի Սիրիայում «Իսլամական պետության» խմբավորման դիրքերի ռմբակոծումների վերաբերյալ օրինագիծը: Այդ մասին, ինչպես տեղեկացնում է «Արմենպրես»-ը, նոյեմբերի 3-ին հաղորդել է Times թերթը՝ հղում անելով կառավարական աղբյուրների:
Ըստ հրատարակության տվյալների՝ վարչապետը ստիպված էր հրաժարվել այդ նախաձեռնությունից այն բանից հետո, երբ չկարողացավ համոզել ընդդիմադիր Լեյբորիստական կուսակցությունից անհրաժեշտ թվով պատգամավորների՝ աջակցել Սիրիայում թագավորական ռազմաօդային ուժերի գործողությունն սկսելուն:
Բրիտանական խորհրդարանը 2014 թվականի սեպտեմբերին արտոնել է ԻՊ-ի դիրքերի ռմբակոծումները միայն Իրաքում: Պատգամավորների կողմից ընդունված փաստաթուղթը չի նախատեսում այդ խմբավորման զինյալներին հարվածներ հասցնել Սիրիայի տարածքում, ինչպես նաև Միացյալ Թագավորության ցամաքային զորքեր մտցնել հակամարտության գոտի, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
