Բաքվից պահանջում են դադարեցնել բռնաճնշումները
ԱՐԽԻՎ
Human Rights Watch միջազգային իրավապաշտպան կազմակերպությունը ՄԱԿ-ի խոշտանգումների դեմ հանձնաժողով Ադրբեջանում մարդու իրավունքների իրավիճակի հետ կապված Հուշագիր է ներկայացրել, որում ՄԱԿ-ի խոշտանգումների դեմ հանձնաժողովին կոչ է արել Բաքվից պահանջել դադարեցնել բռնաճնշումները:
Ինչպես հաղորդում է «Արմենպրես»-ը, HRW-ի մամուլի տեղեկագրում ասվում է, որ Ադրբեջանում մարդու իրավունքների հետ կապված իրավիճակը շարունակում է անհանգստացնող մնալ, իշխանությունները շարունակում են կառավարության քննադատների, քաղաքացիական ակտիվիստների և ընդդիմադիրների դեմ կոշտ բռնաճնշումները:
«Ձերբակալվածներն ու կալանվածները խոշտանգումների են ենթարկվում, ինչը հակասում է դրանց արգելման մասին Համաձայնագրի շրջանակում Ադրբեջանի միջազգային պարտավորություններին»,- ասվում է հայտարարության մեջ:
Դրա հետ կապված, HRW-ն հանձնարարականներ է ներկայացրել' կոչ անելով Ադրբեջանի իշխանությունների առաջ դնել բռնաճնշումները դադարեցնելու մասին հարց և պահանջել ազատ արձակել Լեյլա և Արիֆ Յունուսներին, Իլգար Մամեդովին, Ինթիգամ Ալիևին և մյուս քաղբանտարկյալներին:
ՄԱԿ-ի Հանձնաժողովին նաև առաջարկվել է պաշտոնական Բաքվին կոչ անել ապասառեցնել տասնյակ ոչ կառավարական կազմակերպությունների բանկային հաշիվները և վերացնել բոլոր սահմանափակումներն ու նրանց իրավունքների խախտումները:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
