ԵՄ ներկայացուցիչը տեղյակ չէ, թե որն է ԼՂ հակամարտության գոտում լարվածության պատճառը
ԱՐԽԻՎ
Հարավային Կովկասի եւ Վրաստանի ճգնաժամի հարցերով Հերբերտ Զալբերտը շեշտում է, որ ինքը դեմ չէր այցելել նաեւ Լեռնային Ղարաբաղ, սակայն գոյություն ունի կարգ եւ ըստ այդ կարգի է որոշվում այցելությունների վայրերը:
«Արմենպրես»-ի փոխանցմամբ' ԵՄ ներկայացուցիչը նման պատասխան տվեց Երեւանում ԼՂՀ ԱԳ նախարար Կարեն Միրզոյանի հետ հանդիպումից հետո լրագրողի հարցին, թե ինչու տարածաշրջանային այցելության ժամանակ չի այցելել նաեւ Ստեփանակերտ' տեղում ծանոթանալու իրավիճակին: Խոսելով ԼՂ հակամարտության կարգավորման մասին' Զալբերտն ասաց, որ ԼՂՀ ԱԳ նախարարի հետ քննարկել է հակամարտության կարգավորման հարցն ու սահմանային վերջին դեպքերը:
«Մենք համակարծիք ենք, որ լարվածությունը շատ մեծ է: Պետք է ցուցաբերվի հարգանք, եւ կողմերն ամեն ինչ անեն' խուսափելու համար լարվածությունից»,- ասաց Զալբերտը: ԵՄ ներկայացուցիչն ասաց, որ չի կարող մատնանշել պատճառը:
«Կախված պատահարներից' կողմերը մեղադրում են միմյանց: Ես կարծում եմ, որ եթե կառույցը չունի ներկայացուցիչ եւ չի տիրապետում իրավիճակին, չի կարող ասել' ով է ճիշտ, ով' սխալ»,- ասաց Զալբերտը' հավելելով, որ սահմանին ԵՄ-ի կողմից մոնիտորինգ անելու գաղափարը լավն է, եւ անհրաժեշտ է, որպեսզի միջազգային հանրությունը ներգրավված լինի այդ բարդ խնդրի կարգավորման գործում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
