Ղրիմում անհատական ինքնթիռ է կործանվել

Ղրիմում փոքր չափի անհատական ինքնաթիռի կործանման հետևանքով չորս մարդ է զոհվել: Ինչպես տեղեկացնում է «Արմենպրես»-ը' վկայակոչելով «Ինտեֆաքս» գործակալությունը, այս մասին հայտնել է արտակարգ ծառայությունների աղբյուրները:

««Սեսնա» մակնիշի անհատական ինքնաթիռն օդ է բարձրացել Կոկտեբելի մոտակայքում, սակայն դեռեւս չպարզված հանգամանքներում սարքը կտրուկ կորցրել է բարձրությունը եւ բախվել գետնին: Արդյունքում զոհվել են ինքնաթիռում գտնվող բոլոր չորս անձինք»,- ասել է աղբյուրը:

Նա ճշտել է, որ թռիչքից առաջ օդաչուն համապատասխան մարմիններին տեղյակ չի պահել: