Մեծ Բրիտանիան կկարողանա գոյատևել Եվրամիությունից դուրս. Քեմերոն

Մեծ Բրիտանիան կկարողանա գոյատեւել Եվրամիությունից դուրս՝ դրա կազմից դուրս գալու դեպքում: Այդ մասին, ինչպես տեղեկացնում Է «Արմենպրես»-ը, հայտարարել Է երկրի վարչապետ Դեւիդ Քեմերոնը՝ ելույթ ունենալով Բրիտանական արդյունաբերության համադաշնության (CBI The Voice of Business) համաժողովում:

«Ոմանք կասկածում են, թե երկիրը կկարողանա արդյոք գոյատեւել ԵՄ-ից դուրս: Իհարկե, կկարողանա: Մեծ Բրիտանիան աշխարհի հինգերորդ Էկոնոմիկան Է՝ աներեւակայելու ուժեղ ֆինանսական սեկտորով»,-ասել Է վարչապետը:

Քեմերոնի խոսքով՝ ԵՄ-ի հիմնարար պայմանագրի վերանայման գործընթացը, Լոնդոնի պահանջների հաշվառմամբ, կսկսվի այն նամակով, որն ինքը նոյեմբերի 10-ին կուղարկի Եվրախորհրդի նախագահ Դոնալդ Տուսկին: «Բավարարված չեմ Եվրոպայի ներկայիս իրավիճակով: Կետերը, որոնք ես ցանկանում եմ նշել, հիմնվում են այն բանի վրա, թե կկարողանանք մենք արդյոք Եվրոպան դարձնել ավելի մրցունակ, կմնանք մենք արդյոք «ավելի սերտ միությունից» դուրս, կընդունվեն արդյոք ավելի արդար կանոններ այն երկրների համար, որոնք եվրոգոտու անդամներ չեն, կթուլանա արդյոք միգրացիայի հարցո ւմ մեզ վրա գործադրվող ճնշումը: Սրանք ամենակարեւոր փոփոխություններն են, որոնց իրականացումը մեզ համար կենսական անհրաժեշտություն Է: Եթե ես կարողանամ դրանց հասնել, ապա դուք ինձ կտեսնենք նրանց շարքում, ովքեր վճռականորեն հանդես են գալիս բարենորոգված ԵՄ-ին Մեծ Բրիտանիայի անդամակցությունը պահպանելու օգտին: Եվ, ինչպես ես արդեն ավելի վաղ ասել եմ, եթե ոչ մի բանի չհասնեմ, ապա ես Էլ ոչինչ չեմ բացառում: Եվրոպան բարեփոխումների կարիք ունի. դա լուրջ մարտահրավեր Է մեր երկրի համար»,-նշել Է բրիտանական կառավարության ղեկավարը:

«Մեր բարգավաճումն ու ազգային անվտանգությունը գլխավոր գերակայությունն Է բանակցությունները վարելիս: Հուսով եմ, որ բրիտանական բիզնեսը կաջակցի ինձ»,-հավելել Է Քեմերոնը, հաղորդել Է ՏԱՍՍ-ը: