ԱՄՆ-ի նախագահ Բարաք Օբաման իր էջն է բացել Facebook-ում
ԱՐԽԻՎ
ԱՄՆ-ի նախագահ Բարաք Օբաման նոյեմբերի 9-ին սեփական Էջ Է բացել Facebook սոցիալական ցանցում, տեղեկացնում Է «Արմենպրես»-ը՝ հղում անելով Սպիտակ տան մամուլի ծառայությանը:
«Ողջու՛յն, Facebook! Վերջապես ես սեփական Էջ ունեմ»,- գրել Է Օբաման: Նրա խոսքով՝ ինքը հուսով Է, որ սոցիալական ցանցի օգտատերերն այն կօգտագործեն որպես հարթակ՝ քննարկելու «երկրի առջեւ ծառացած կարեւոր հարցերը, հաղորդակից կդարձնեն իրենց մտքերին ու պատմություններին»: Նա խոստացել Է նաեւ հասարակայնությանը պարբերաբար ներկայացնել իր պատմությունները:
Մեկ ժամվա ընթացքում President Obama Էջը, որի համար գլխազարդ Է ծառայում նրա լուսանկարը, որն արվել Է այս տարվա սեպտեմբերին Ալյասկա կատարած ճանապարհորդության ժամանակ, ստացել Է ավելի քան 33 հազար «լայք»: Իր մասին Օբաման գրել Է այսպես. «Հայր, ամուսին եւ ԱՄՆ-ի 44-րդ նախագահ»:
Ըստ Սպիտակ տան մամուլի ծառայության ծանոթագրության՝ նախագահի անձնական Էջում հաղորդագրություններն ու տեսագրությունները կհրապարակվեն անձամբ նրա կողմից, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
