Օբաման հեռախոսազրույցներ է ունեցել Էրդողանի և Դավութօղլուի հետ
ԱՐԽԻՎ
Միացյալ Նահանգների նախագահ Բարաք Օբաման հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ՝ քննարկելով վերջին օրերին Սիրիայում տեղի ունեցող զարգացումները, ինչպես նաև ծայրահեղ ահաբեկչական «Իսլամական պետություն» կազմակերպության դեմ գործողությունները: Ինչպես հաղորդում է «Արմենպրես»-ը, այս մաս ին տեղեկացնում է թուրքական Anadolu գործակալությունը:
Օբամայի նախաձեռնությամբ տեղի ունեցած հեռախոսազրույցի ընթացքում ԱՄՆ նախագահը Էրդողանին շնորհավորել է նաև նոյեմբերի 1-ին կայացած խորհրդարանական ընտրությունների կապակցությամբ: Կողմերը քննարկել են նոյեմբերի 15-16-ը Թուրքիայի Անթալյա քաղաքում կայանալիք G-20 գագաթնաժողովի օրակարգային հարցերի շրջանակը: Նրանք ցանկություն են հայտնել նաև, որ երկրում Քրդական աշխատավորական կուսակցության (PKK) գործողություններին վերջ դրվի:
Օբաման զանգահարել է նաև Թուրքիայի վարչապետ և իշխող «Արդարություն և զարգացում» կուսակցության ղեկավար Ահմեդ Դավութօղլուին՝ նրան ևս շնորհավորելով խորհրդարանական ընտրություններում տարած հաղթանակի առնչությամբ: Օբամա-Դավութօղլու հեռախոսազրույցի հիմնական թեմաները ևս եղել են սիրիական զարգացումներն ու «Իսլամական պետության» դեմ պայքարը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
