Եվրամիությունը «սխալմամբ» 6,25 մլրդ եվրո բյուջետային միջոցներ է ծախսել

2014 թվականին Եվրամիության բյուջետային հիմնադրամները ծախսելիս սխալի աստիճանը կազմել Է 142 միլիարդ եվրոյի 4,4 տոկոսը, այսինքն՝ 6,25 միլիարդ եվրո: Այս մասին, ինչպես տեղեկացնում Է «Արմենպրես»-ը, հայտնել Է ԵՄ-ի Հաշվեստուգիչների պալատի նախագահ Սիլվա Կալդեյրան՝ Եվրախորհրդարանի բյուջեի վերահսկողության կոմիտեում ներկայացնելով բյուջեի հաշվեստուգման ամենամյա հաշվետվությունը:

«Բյուջեի եկամտային մասը համապատասխանել Է բոլոր նորմաներին, մինչդեռ բյուջեի ծախսային մասը միջոցների բաշխման հարցում նյութական սխալներ Է ունեցել 4,4 տոկոսի մակարդակում,- նշել Է նա: 2014 թվականին Եվրամիության բյուջեի ծախսային մասի ծավալը կազմել Է 142 միլիարդ եվրո:

Պալատի ղեկավարն ընդգծել Է, որ միջոցների «սխալ ծախսման» մակարդակը վերջին տարիների ընթացքում աստիճանաբար իջնում Է: Այսպես 2012 թվականին այն կազմել Է 4,6 տոկոս, իսկ 2013 թվականին՝ 4,5 տոկոս, հաղորդել Է ՏԱՍՍ-ը: