Ամուր ոտքերն ուղեղին օգնում են չծերանալ. գիտնականներ
ԱՐԽԻՎ
Ուժեղ ոտքեր ունեցող տարեց կանանց մոտ ավելի փոքր Է ծերունական տկարամտության զարգացման հավանակությունը: Այդ մասին, ինչպես տեղեկացնում է «Արմենպրես»-ը, ասված է բրիտանացի գիտնականների հետազոտության մեջ:
Լոնդոնի Քինգս-քոլեջի գիտնականները, որոնք տասը տարվա ընթացքում հետեւել են երկվորյակների 150 զույգերի, եկել են այն եզրակացության, որ ոտքերի ուժեղ մկանունքն այն բանի յուրատեսակ ցուցանիշն է, թե մարդն արդյոք բավականաչափ ֆիզիկական բեռնվածություն է ստանում զառամյալ տարիքում դատողության պարզությունը պահպանելու համար:
Ֆիզիկական վարժությունները օրգանիզմում առաջացնում են քիմիական նյութեր, որոնք խթանում են տարեց մարդկանց ուղեղը, ասված է Gerontology հանդեսում հրապարակված հոդվածում:
Փորձագետները նշում են, որ այս վարկածն ստուգելու համար պահանջվում են լրացուցիչ հետազոտություններ, քանի որ բավականին դժվար է որոշել, թե ինչն է ավելի մեծ չափով ազդում գլխուղեղի առողջության վրա՝ ոտքերի ուժը, թե կենսակերպի այլ գործոններ:
Հետազոտությանը մասնակցել են 47-ից մինչեւ 73 տարեկան երկվորյակների 150-ից ավելի զույգեր:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
