Բուխարեստի գիշերային ակումբում հրդեհի զոհերի թիվը հասել է 56-ի
ԱՐԽԻՎ
Բուխարեստի «Կոլեկտիվ» գիշերային ակումբում հոկտեմբերի 31-ին տեղի ունեցած հրդեհի հետեւանքով զոհվածների թիվը հասել Է 56-ի: Այդ մասին, ինչպես տեղեկացնում Է «Արմենպրես»-ը, նոյեմբերի 16-ին հաղորդել են ռումինական ԶԼՄ-ները: Ավելի վաղ հաղորդվել Էր 53 զոհվածների մասին:
Digi24 հեռուստաալիքը նշում Է, որ նոյեմբերի 16-ի առավոտյան մահացել Է տուժածներից մեկը՝ 18-ամյա մի աղջիկ, որն օրհասական վիճակում գտնվում Էր Բուխարեստի «Սբ. Իոհաննա» հիվանդանոցում:
Նախնական տվյալներով՝ լույս հոկտեմբերի 31-ի գիշերը տեղի ունեցած հրդեհի պատճառ Էր դարձել հրավառությունը, որը կազմակերպվել Էր Goodbye to Gravity («Մնաս բարով, գրավիտացիա») ռոք խմբի՝ «Մեր մեռնելու օրը» կոմպոզիցիայի կատարման ժամանակ: Արտակարգ պատահարի ժամանակ ակումբում գտնվում Էր մինչեւ 400 մարդ: Ողբերգության առաջին ժամերին զոհվել Էր 27 մարդ, եւս 200 տուժածներ տեղափոխվել Էին հիվանդանոց:
Մի քանի երկրներ, այդ թվում՝ Մեծ Բրիտանիան, Նիդեռլանդները, Նորվեգիան, Շվեյցարիան, Ավստրիան, Բելգիան, Գերմանիան եւ Իսրայելը, արձագանքել են Ռումինիայի իշխանությունների կոչերին եւ համաձայնել են տուժածներին տեղավորել իրենց կլինիկաներում, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
