Փարիզում ահաբեկիչներից երկուսը թուրքական անձնագրեր են ունեցել
ԱՐԽԻՎ
Փարիզում նոյեմբերի 13-ին տեղի ունեցած ահաբեկչական գործողություններին մասնակից ինքնասպան ահաբեկիչներից երկուսը թուրքական անձնագրեր են ունեցել:
Այս մասին, ինչպես հաղորդում է «Արմենպրես»-ը, հայտնել է CNN-ը' հղում կատարելով Ֆրանսիայի ներքին գործերի նախարարության կողմից տեղեկացված ֆրանսիացի սենատորին, ով նշել է, որ դրանք Թուրքիայի քաղաքացու կեղծ անձնագրեր են եղել:
Ավելի վաղ ֆրանսիական ոստիկանությունը համոզմունք էր հայտնել, որ ահաբեկիչներն օգտվել են սիրիական կեղծ անձնագրերից' նկատի ունենալով այն հանգամանքը, որ Եվրոպա գաղթած ոչ սիրիացիների մոտ Սիրիայի քաղաքացու կեղծ անձնագրեր են հայտնաբերվել:
Սեպտեմբերին Daily Mail թերթի Թուրքիայի թղթակիցը հայտնել էր, որ 2 հազար դոլարով կարողացել է Թուրքիայի քաղաքացու անձնագիր ձեռք բերել, իսկ հոլանդացի մի լրագրող էլ հայտնել էր, որ դա իրեն հաջողվել է 825 դոլարով:
CNN-ը հայտնել է, որ Փարիզում Stad de France մարզադաշտի մոտ իրականացված ահաբեկչական գործողության հեղինակներից մեկը հանդիսանում է Սիրիայի կեղծ անձնագրով հանդես եկած Ահմեդ Ալմուհամեդը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
