Ադրբեջանում Ֆրանսիայի դեսպանատունն ուժեղացնում է անվտանգության միջոցառումները

Ադրբեջանում Ֆրանսիայի դեսպանատան անվտանգության միջոցառումներն ուժեղացվելու են:

Այս մասին, ինչպես հաղորդում է «Արմենպրես»-ը, ադրբեջանական ԶԼՄ-ներին հայտնել են Բաքվում ֆրանսիական դեսպանատան մամուլի ծառայությունից:

Փարիզում ահաբեկչական գործողությունների հետ կապված' Ֆրանսիան հայտարարել է երկրում եւ արտասահմանում ֆրանսիական դեսպանատներում, դպրոցներում եւ մշակութային կենտրոններում անվտանգության գծով միջոցառումներն ուժեղացնելու մասին:

Նոյեմբերի 13-ի երեկոյան անհայտ անձինք հրաձգություն են բացել Փարիզի ռեստորաններից մեկում, երեք պայթյուն են հնչել Stade de France մարզադաշտի մոտ, որտեղ տԵղի էր ունենում Գերմանիայի եւ Ֆրանսիայի ֆուտբոլի հավաքականների ընկերական հանդիպումը, որին ներկա էր նաեւ նախագահ Ֆրանսուա Օլանդը: Բացի այդ, Bataclan թատրոնում ռոք-համերգի ժամանակ անհայտ անձինք պատանդներ են վերցրել:

Պաշտոնական տվյալներով մոտ 130 մարդ զոհվել, 352 մարդ վիրավորվել են, որոնցից 92-ը գտնվում են ծայրահեղ ծանր վիճակում: