Մովսես Հակոբյանը Սահմանադրության նախագծի վերաբերյալ իր կարծիքը կարտահայտի քվեաթերթի միջոցով

ՀՀ Զինված ուժերի գլխավոր շտաբի պետի տեղակալ Մովսես Հակոբյանը վստահեցնում է, որ որևէ քաղաքացի, այդ թվում' զինվորականը, պարտադրված չէ գնալ կատարել այս կամ այն ընտրությունը: Այս մասին այսօր լրագրողների հետ զրույցում ասաց ինքը՝ Հակոբյանը, պատասխանելով այն հարցին, թե արդյոք զինվորականներին չի պարտադրվելո՞ւ «այո» ասել սահմանադրական փոփոխություններին:

«Դուք վերահսկողության լծակներ ունեք, կարող եք իրականացնել վերահսկողություն»,- ավելացրեց Մովսես Հակոբյանը՝ դիմելով լրագրողներին:

Նա նշեց, որ Սահմանադրության նախագծի վերաբերյալ իր կարծիքը կարտահայտի որպես քաղաքացի' գնալով քվեարկելու, իսկ ի պաշտոնե մեկնաբանություն չի կարող տալ: