Թուրքիայի հետախուզական ծառայությունը բանակցում է ռուս օդաչուներին ստանալու հարցով. Թուրքական ԶԼՄ-ներ

Անկարայի իրավապահ մարմինները հայտարարել են, թե թուրքական օդուժի կողմից կործանված ռուսական Սու-24 ինքնաթիռի երկու օդաչուները ողջ են և գերի են ընկել Սիրիայի ընդդիմադիրների ձեռքում: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:

Նշվում է, որ Թուրքիայի Ազգային հետախուզական ծառայությունը կապ է հաստատել տեղի ընդդիմադիրների հետ օդաչուներին ողջ-առողջ թուրքական կողմին հանձնելու հարցով: Հաղորդվում է նաև, որ սոցիալական մեդիայում տարածված մահացած օդաչուի նկարը պատկանում է խոցված ռուսական ուղղաթիռի օդաչուին:

Սիրիայի թուրքմենները թուրքական «Դողան» լրատվականին են տրամադրել մի տեսանյութ, որում երևում է, թե ինչպես են երկնքից պարաշյուտով իջնում երկու օդաչուները, որոնց տեսնելուն պես նրանց դեմ սկսում են կրակել: Սակայն կրակողներից ոմանք բղավում են. «Մի կրակեք, գերի է գալիս, գերի»: Տեսանյութում լսվում է, թե ինչպես են կրակողներն ասում. «Ալլահ աքբար»:

Նոյեմբերի 24-ին ռուսաստանյան Սու-24 ինքնաթիռը Սիրիայի տարածքում թուրքական սահմանից 1 կմ հեռավորության վրա կործանվել է Թուրքիայի օդուժի կողմից արձակված «երկինք-երկինք» հրթիռով եւ վայր ընկել Թուրքիայի սահմանից 4 կմ հեռավորության վրա:

Ռուսաստանի Դաշնության նախագահ Վլադիմիր Պուտինը կատարվածն անվանել է «հարված թիկունքից», որը հասցվել է Ռուսաստանին «ահաբեկիչների հանցակիցների կողմից»: «Այդ իրադարձությունը դուրս է ահաբեկչության հետ սովորական պայքարի շրջանակից: Այսօրվա կորուստը կապված է հարվածի հետ, որը մեր մեջքին հասցրեցին ահաբեկիչների հանցակիցները: Այն ինչ այսօր տեղի է ունեցել, ես չեմ կարող այլ կերպ անվանել»,-ասել է Պուտինը Հորդանանի թագավոր Աբդալլահ երկրորդի հետ հանդիպման ժամանակ:

ՌԴ Դաշնային Խորհրդում առաջարկում են ժամանակավորապես կասեցնել Թուրքիայի հետ բոլոր կապերըՌԴ Դաշնային Խորհրդում առաջարկում են ժամանակավորապես կասեցնել Թուրքիայի հետ բոլոր կապերը: