Էրդողանը հարվածի տակ դրեց Թուրքիայի տնտեսությունը. Պուշկով

Թուրքիայի նախագահ Ռեջեփ Թայիփ Էրդողանն իր գործողություններով, որոնց հետևեց ՌԴ նախագահ Վլադիմիր Պուտինի հրամանը Թուրքիայի դեմ պատժամիջոցներ կիրառելու վերաբերյալ, հարվածի տակ դրեց իր երկրի տնտեսությունը: Ինչպես տեղեկացնում է «ՌԻԱ Նովոստի»-ն, նման տեսակետ է հայտնել ՌԴ Պ ետդումայի միջազգային հարցերով կոմիտեի նախագահ Ալեքսեյ Պուշկովը:

«Այդ հրամանագիրը ևս մեկ անգամ ցույց է տալիս, որ Էրդողանն առաջին հերթին վնասեց իր երկրի տնտեսությանը: Թուրքիան հատուկ կարգավիճակ ուներ Ռուսաստանում»,-ասել է Պուշկովը: Նա նշել է, որ Ռուսաստանի կողմից ձեռնարկված միջոցները Թուրքիային հարվածելու են չորս ուղղությամբ: Ամենաառաջինը' զբոսաշրջությանը, քանի որ ռուս զբոսաշրջիկները տեղական բյուջեն հարստացնում էին մոտ չորս միլիարդ դոլարով:

Պուշկովն ավելացրել է, որ թուրքական ընկերությունները, որոնք պայմանագրեր էին ստորագրում Ռուսաստանում, մեծ եկամուտներ ունեին: Միաժամանակ պատժամիջոցներն ազդելու են նաև այն ընկերությունների գործունեության վրա, որոնք հիմնվում էին դեպի ՌԴ արտահանման վրա: «Դա թուրքական տնտեսության զգալի մասն էր կազմում, քանի որ Թուրքիան ՌԴ-ի համար առևտրատնտեսական հարաբերությունների առումով հիգերորդ գործընկերն էր: Նախորդ տարի ապրանքաշրջանառությունը կազմում էր 30 մլրդ դոլար, և դա, իհարկե, լուրջ հարված է այդ ընկերություններին»,-ընդգծել է Պուշկովը: