«Թալիբան» շարժման պարագլուխը ծանր վիրավորվել է. ԶԼՄ-ներ
ԱՐԽԻՎ
Աֆղանստանում «Թալիբան» շարժման պարագլուխ մոլլա Ախթար Մոհամադ Մանսուրը վիրավորվել է փոխհրաձգության ընթացքում: Այս մասին AFP-ին հայտնել է Աֆղանստանի կառավարության աղբյուրը:
Ինչպես տեղեկացնում է «Արմենպրես»-ը, վկայակոչելով ՏԱՍՍ-ը, նա հայտնել է, որ մոլլա Մանսուրը «Պակիստանի Կվետա քաղաքի մոտակայքում ստացել է լուրջ հրազենային վնասվածքներ»:
Մոլլա Ախթար Մոհամադ Մանսուրն Աֆղանստանում «Թալիբան» ծայրահեղական շարժումը գլխավորել է հուլիսի վերջին: Նա այդ պաշտոնին փոխարինել է խմբավորման մահացած հիմնադիր մոլլա Մոհամադ Օմարին:
Նոյեմբերի 12-ին հայտնի էր դարձել մոլլա Մանսուր Դադուլայի մահվան մասին. նա սպանվել էր Աֆղանստանի հարավային Զաբուլ նահանգում տեղի ունեցած փոխհրաձգության ժամանակ: Նոյեմբերի սկզբին աֆղանացի թալիբները, որոնք չէին ճանաչել Մանսուրին որպես «Թալիբան»-ի հիմնադրի հետնորդ, հայտարարել էին շարժման սեփական այլընտրանքային խմբակցության ստեղծման մասին' մոլլա Մոհամադ Ռասուլի գլխավորությամբ: Նրա տեղակալ էր դարձել Դադուլան:
Տեղական ԶԼՄ-ների տվյալներով' ներկայում Աֆղանստանի հարավում բախումներ են ընթանում «Թալիբան» շարժման երկու հակամարտող խմբակցությունների զինյալների միջև:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
