Սիրիայում ռազմական գործողությունն ուղղված է Ռուսաստանի շահերի պաշտպանությանը. Պուտին

ՌԴ Նախագահ Վլադիմիր Պուտինը հայտարարել է, որ Սիրիայում Ռուսաստանի ռազմական գործողությունը, առաջին հերթին, Ռուսաստանի շահերի պաշտպանություն է: «Ցանկանում եմ ձեզ երախտագիտություն հայտնել աշխատանքի համար, որը դուք կատարում եք Սիրիայում: Պետք է ասեմ ձեզ, որ, և դուք դա շատ լավ գիտեք, ես այդ մասին բազմիցս հ րապարակայնորեն ասել եմ. դա ոչ թե պարզապես օգնություն է սիրիացի ժողովրդին և Սիրիայի ղեկավարությանը, դա Ռուսաստանի, մեր քաղաքացիների շահերի պաշտպանության գծով ուղղակի աշխատանք է»,- նշել է Պուտինը ռուսաստանցի զինծառայողներին պետական պարգևների հանձնման արարողությանը:

Ինչպես տեղեկացնում է «Արմենպրես»-ը, վկայակոչելով ՏԱՍՍ-ն, նա ընդգծել է, որ Սիրիայում ահաբեկիչների կողմից կռվում են Ռուսաստանից, մասնավորապես, Հյուսիսային Կովկասի հանրապետություններից եկած մեծ թվով անձինք: Պուտինը հավելել է, որ նրանց տեսել է զինյալների կողմից' Սու-24 ռմբակոծիչի խոցման վայրում արված լուսանկերներում, որոնք համացանցում չեն տեղադրվել: «Այնտեղ (Սիրիայում) ձեր արածը մեր երկրի ուղղակի պաշտպանություն է»,- ասել է ՌԴ Նախագահը' զ գուշացնելով, որ եթե Ռուսաստանից եկած զինյալները Սիրիայում ամրապնդվեն, ապա վերադառնալու են և վերադառնում են: Ըստ նրա' ՌԴ հատուկ ծառայությունները կորուստներ են կրում ահաբեկիչների վերադարձից հետո: «Մենք մշտապես կորուստներ ենք կրում: Այնտեղ կռվում են, սովորում… պայթյուններ են իրականացնում, հարձակումներ և այլն»,- նշել է Ռուսատանի ղեկավարը' հավելելով, որ «զոհվում են Անվտանգության դաշնային ծառայության, ներքին զորքերի հատուկ նշանակության ջոկատների տղաները»:

Նա հայտարարել է, որ անհրաժեշտ է թույլ չտալ Ռուսաստանում 90-ականների կեսերի, 2000-ականների իրավիճակի կրկնությունը: «Սիրիայում ձեր աշխատանքը ուղղված է հենց այդ իրավիճակը թույլ չտալուն: Դա առաջին հերթին»,- նշել է Պուտինը:

Նա նաև հայտարարել է, որ Սիրիայում ՌԴ օդատիեզերական ուժերի գործողությունը դրական է ազդում մերձավորարևելյան տարածաշրջանում իրավիճակի վրա: «Ինչպես կռվել են սիրիացիներն այնտեղ, այնպես էլ կռվելու են, և մենք կարող ենք նրանց վրա ազդել միայն սահմանափակ ռեժիմում, բայց այն, ինչն այնտեղ տեղի է ունենում, դրական է, և դա ձեր և ձեր մարտական ընկերների շնորհիվ է, որոնք աշխատում են օդից ղեկավարում են, ըստ էության, սիրիական զինված ուժերի ստորաբաժանումները»,- ընդգծել է Պուտինը ռուսաստանցի զինվորականների պարգևատրման արարողությանը: