Պուտինը և Քեմերոնը քննարկել են Մերձավոր Արևելքի անվտանգությունը
ԱՐԽԻՎ
ՌԴ-ի նախագահ Վլադիմիր Պուտինը և Մեծ Բրիտանիայի վարչապետ Դևիդ Քեմերոնը հեռախոսազրույցի ընթացքում քննարկել են Մերձավոր Արևելքի անվտանգության ապահովման հարցերը՝ Սիրիայում իրադրության կարգավորման համատեքստում: Այդ մասին, ինչպես տեղեկացնում է «Արմենպրես»-ը, հաղորդել է Կրեմլի մամուլի ծառայությունը:
«Ղեկավարները կարծիքներ են փոխանակել Մերձավոր Արևելքում անվտանգության ապահովման հրատապ հարցերի շուրջ, նախևառաջ Սիրիայում իրադրության կարգավորման ջանքերի համատեքստում:
Նշվել է, որ Ռուսաստանը և Մեծ Բրիտանիան համընկնող մոտեցումներ ունեն այն սպառնալիքների նկատմամբ, որոնք բխում են «Իսլամական պետություն» ահաբեկչական կազմակերպությունից, ինչպես նաև տարածաշրջանում գործող մյուս ահաբեկչական խմբավորումներից: Այս համատեքստում քննարկվել են պետական տարբեր կառույցների գծով երկկողմ համագործակցության կարգավորման հարցերը»,- ասված է հաղորդագրության մեջ: Ինչպես նշում է ՌԻԱ Նովոստին, հեռախոսազրույցը կայացել է բրիտանական կողմի նախաձեռնությամբ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
