Տուապսեի ծննդատանը մահացած հայ կնոջ բժշկուհին մեկուսացված է աշխատանքից

24-ամյա հայազգի Յանա Պլակսիյի հարազատները, որը մահացել է Կրասնոդարի երկրամասի Տուապսե քաղաքի մերձակա Նովոմիխայլովսկոյե ավանի թիվ 2 ծննդատանը, ամեն ինչ անում են, որպեսզի պարզվեն ողբերգության բոլոր հանգամանքները եւ արդարություն լինի: Ստուգում անցկացնելու ժամանակահատվածում բժիշկ գինեկոլոգ Լարիսա Առաքելովան, որի ցուցումով հղի կնոջը նե րարկել են Տրամալ ուժեղ ներգործող պատրաստուկը, մեկուսացված է աշխատանքից, տեղեկացնում Է «Արմենպրես»-ը՝ հղում անելով LifeNews-ին:

Կինը բժշկի հսկողության տակ է եղել հղիության ողջ շրջանում, որն ընթացել է առանց պաթոլոգիաների ու բարդացումների:

«Կարծում եմ, որ յուրաքանչյուր բժիշկ սխալվելու իրավունք ունի: Դա հենց բժշկական սխալ է եղել,- ասել է հիվանդանոցի գլխավոր բժիշկ Վաղինակ Սվազյանը:- Խոստանում եմ, որ մենք կպարզենք տեղի ունեցածը: Այսօր ես հրաման եմ ստորագրել ստուգման անցկացման ժամանակաշրջանում այդ բժշկին ժամանակավորապես աշխատանքից մեկուսացնելու մասին: Մինչեւ տեղի ունեցածի ամբողջական պատկերի վերականգնումը բժիշկը չի աշխատի, բայց ես նրան աշխատանքից ազատել չեմ կարող: Մենք պետք է գործենք օրենքի շրջանակներում»:

Նախնական տեղեկատվության համաձայն՝ հղի կնոջ մահանալու պատճառը դարձել է օրգանիզմի հակազդումը Տրամալ ուժեղ ներգործող պատրաստուկի նորարկմանը:

Քննչական կոմիտեն քրեական գործ է հարուցել «Անզգուշաբար անձի կողմից իր մասնագիտական պարտականությունները պատշաճ կերպով չկատարելու հետեւանքով մահվան» մասին հոդվածով: