Facebook-ը հրապարակել է տարվա ընթացքում առավել շատ քննարկված 10 թեմաները

Facebook սոցիալական ցանցը 2015 թվականի արդյունքներով կազմել Է առավել շատ քննարկված թեմաների վարկանիշը, որը զետեղվել Է մամուլի տեղեկագրում:

Թոփ-տասը կազմվել Է այն բանի հիման վրա, թե թեման 2015 թվականի հունվարից դեկտեմբեր որքան հաճախ Է հիշատակվել Facebook-ի պոստերում: Օգտատերերի շրջանում առավել շատ քննարկված թեման դարձել Է ԱՄՆ-ի նախագահի ընտրությունները: Երկրորդ տեղում նոյեմբերի 13-ին Փարիզում կատարված ահաբեկչական գործողությունների վերաբերյալ հաղորդումներն են: Երրորդ տեղում քաղաքացիական պատերազմն Է Սիրիայում եւ փախստականների միգրացիան:

Առավել շատ քննարկված թեմաների ցուցակում տեղ են գտել նաեւ Նեպալի երկրաշարժը, Հունաստանի պարտային ճգնաժամը, ամուսինների հավասարությունը, «Իսլամական պետության» դեմ պայքարը, Փարիզում Charlie Hebdo հանդեսի խմբագրատան վրա ահաբեկիչների հարձակումը, Բալթիմորում տեղի ունեցած բողոքի ակցիաները, Չառլսթոնի ողբերգությունը եւ Կոնֆեդերացիայի դրոշի շուրջ բանավեճերը:

Facebook-ում աշխարհի քաղաքական գործիչների թվում մյուսներից ավելի հաճախ հիշատակվել են ԱՄՆ-ի նախագահ Բարաք Օբաման, ԱՄՆ-ի նախագահի թեկնածու Դոնալդ Թրամփը, Բրազիլիայի նախագահ Դիլմա Ռուսեֆը: Առավել շատ քննարկված մարզիկները եղել են՝ բռնցքամարտիկներ Ֆլոյդ Մեյվեզերը եւ Մեննի Պակյաոն:

Facebook-ում առավել մեծ ժողովրդականություն վայելող ֆիլմերը դարձել են՝ «Աստղային պատերազմներ. ուժի զարթոնքը» կինոնկարը, «Գահերի խաղը» սերիալը, հաղորդել Է ՏԱՍՍ-ը: