Ուկրաինայի արևելքում նվազել է հակամարտության ինտենսիվությունը. ԵԱՀԿ
ԱՐԽԻՎ
ԵԱՀԿ-ի Հատուկ մոնիթորինգային առաքելությունը (ՀՄԱ) հակամարտության ինտենսիվության ընդհանուր նվազում է արձանագրում Ուկրաինայի արևելքում: Այդ մասին, ինչպես տեղեկացնում է «Արմենպրես»-ը, ՌԻԱ Նովոստիին հայտարարել է ԵԱՀԿ-ի ՀՄԱ-ի փոխղեկավար Ալեքսանդր Հուգը:
«Հակամարտության ինտենսիվությունը թուլացել է, խախտումների թվաքանակը նվազում է, օրինակ՝ օգոստոսի կեսերի համեմատությամբ, բայց փոխվել է նաև հակամարտության բնույթը»,- ասել է Հուգը: Այդուամենայնիվ, նա նշել է, որ «մենք դեռևս տեսնում ենք «Գրադ» համակարգերի և ականանետների օգտագործում, որոնք չպետք է կիրառվեին և ընդհանրապես չպետք է գտնվեին այնտեղ»:
Հուգը պարզաբանել է, որ այժմ հրադադարի ռեժիմի խախտումներ են տեղի ունենում հիմնականում հրաձգային զենքի կիրառմամբ: «Դրա հետ մեկտեղ դեռևս մարտեր են մղվում և առաջվա պես մարդիկ են զոհվում»,- հավելել է գործակալության զրուցակիցը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
