Իրանի նկատմամբ պատժամիջոցները կարող են չեղարկվել մինչև հունվարի վերջը. ՄԱԳԱՏԷ-ի ղեկավար
ԱՐԽԻՎ
ՄԱԳԱՏԷ-ի ղեկավար Յուկիա Ամանոն հնարավոր է համարում մինչեւ հունվարի վերջը Իրանի նկատմամբ սահմանված պատժամիջոցների չեղարկումը, տեղեկացնում է «Արմենպրես»-ը՝ հղում անելով Reuters-ին:
«Եթե ամեն ինչ լավ ընթանա, դա անհնարին չէ»,- հայտարարել է նա գործակալությանը տված հարցազրույցի ընթացքում:
Ավելի վաղ Իրանի նախագահ Հասան Ռոուհանին հայտարարել է, թե ակնկալում է, որ Իսլամական Հանրապետության դեմ սահմանված պատժամիջոցները չեղյալ կհայտարարվեն եկող տարվա հունվարին: Նախագահը նշել է, որ Գործողությունների համատեղ համապարփակ ծրագրի իրագործման ճանապարհի բոլոր հիմնական խոչընդոտները վերացված են, եւ Իրանը պատրաստ է միջուկային ծրագրի վերաբերյալ համաձայնագրի իրագործմանը ձեռնամուխ լինել երկու-երեք շաբաթվա ընթացքում:
Իրանը եւ միջազգային բանակցորդների «վեցյակը» լույս հուլիսի 14-ի գիշերը պատմական համաձայնության են հասել իրանական բազմամյա միջուկային հիմնախնդրի կարգավորման շուրջ: Երկարատեւ բանակցություններն ավարտվել են գործողությունների համատեղ համապարփակ ծրագրի ընդունմամբ, որի կատարումը ամբողջովին կվերացնի ավելի վաղ ՄԱԿ-ի ԱԽ-ի, ԱՄՆ-ի եւ Եվրամիության կողմից Իրանի նկատմամբ սահմանված տնտեսական ու ֆինանսական պատժամիջոցները, հաղորդել է ՌԻԱ Նովոստի գործակալությունը:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
