Հայաստանյան քաղաքական դաշտում Արա Աբրահամյանն անելիք ունի. հարցում (արդյունքներ)

Մի քանի ամիս շարունակ Հայաստանում բուռն քննարկումներ են տեղի ունենում Ռուսաստանի հայերի միության նախագահ Արա Աբրահամյանի հայտարարության շուրջ, ըստ որի՝ նա պատրաստվում է անմիջական մասնակցություն ունենալ ՀՀ ներքաղաքական համայնապատկերի ձևավորման գործընթացին։ Հաշվի առնելով հասարակական մեծ հետաքրքրվածությունը և երևույթի կարևորությունը՝ ԼՈՒՐԵՐ.com-ն իր ընթերցողների շրջանում հարցում էր անցկացրել հետևյալ հարցադրմամբ. «Ինչպե՞ս եք վերաբերվում Արա Աբրահամյանի հայտարարությանը՝ հայաստանյան քաղաքական դաշտ մտնելու կապակցությամբ»:

Հարցման մասնակիցների մեծամասնությունը՝ 47%-ը (2711 ձայն), դրական է վերաբերվում Արա Աբրահամյանի վերոհիշյալ հայտարարությանը, ինչից կարելի է ենթադրել, որ հարցվածները կարծում են, որ հայաստանյան քաղաքական դաշտում Արա Աբրահամյան գործիչն անելիք ունի։

Մասնակիցների 31%-ը (1802 ձայն) բացասական վերաբերմունք ունի վերոհիշյալ հայտարարության հետ կապված: Իսկ ահա 22%-ի (1237 ձայն) համար միևնույն է։

Ընդհանուր առմամբ, հարցմանը մասնակցել է 5750 մարդ: