Միհրան Հարությունյանը տարվա լավագույն մարզիկ. հարցում

Lurer.com-ն իր ընթերցողների շրջանում հարցում էր անցկացնում հետևյալ հարցադրմամբ. «Ըստ Ձեզ՝ նշվածներից ո՞վ է տարվա լավագույն մարզիկը»:

Հարցման մասնակիցների մեծամասնությունը՝ 43%-ը (1400 ձայն), քվեարկել է Միհրան Հարությունյանի օգտին, ինչի արդյունքում նա ճանաչվել է քվեարկության հաղթողը:

41%-ը (1320 ձայն) կարծում են, որ տարվա լավագույն մարզիկը Արթուր Ալեքսանյանն է: 

Մասնակիցների 12%-ը (380 ձայն) ընտրել է Լևոն Արոնյանին:

Քվեարկությանը մասնակցածների 3%-ը (102 ձայն) քվեարկել է Արման Երեմյանի, իսկ 1%-ը (21 ձայն) Տիգրան Կիրակոսյանի օգտին:

Ընդհանուր առմամբ, հարցմանը մասնակցել է 3220 մարդ:

Հիշեցնենք, որ  2015թ. լավագույն պետական, քաղաքական, հասարակական, սպորտային և մշակութային գործիչներին որոշելու նպատակով դեկտեմբերի 10-ից 20-ը International Media Holding–ն անցկացրել է դեմ առ դեմ հարցումների շարք՝ 10 անվանակարգերով, որոնց արդյունքներով ամենաշատ ձայն ստացած 5 թեկնածուներից լավագույնին որոշելու համար անցկացվում են առցանց (online) քվեարկություններ Lurer.com և Mediamall.am կայքերում։