Շինությունները ձյան ծանրությունից թուլացել և կախվել են

Հունվարի 7-ին, ժամը 11.03-ին ահազանգ է ստացվել, որ Երևանի Կոմիտասի պողոտայի թիվ 36 շենքի 9-րդ բնակարանի (5-րդ հարկ) պատշգամբի թիթեղյա ծածկը ձյան ծանրությունից թուլացել և կախվել է, առկա է ընկնելու վտանգ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարներն ապամոնտաժել են թուլացած թիթեղյա ծածկը:

Հունվարի 7-ին, ժամը 10.52-ին ահազանգ է ստացվել, որ Վայոց ձորի մարզի Եղեգնաձոր քաղաքի Միկոյան փողոցի թիվ 16 շենքի 5-րդ հարկի պատշգամբից բետոնե կտորներ են թափվում:

Դեպքի վայր են մեկնել ՄՓՎ օպերատիվ խումբը և մեկ մարտական հաշվարկ:

Ուսումնասիրության արդյունքում պարզվել է, որ պատշգամբից կախված են բետոնե կտորներ. առկա է ընկնելու վտանգ:

Հրշեջ-փրկարարներն ապամոնտաժել են 5-րդ հարկի բացօդյա պատշգամբից կախված բետոնե կտորները:

Հունվարի 1-ին, ժամը 10.16-ին ահազանգ է ստացվել, որ Վայոց ձորի մարզի Վերնաշեն գյուղի Թանահատի փողոց 2 տան բակում ձյան ծանրությունից փլուզվել է շինության տանիք:
Դեպքի վայր է մեկնել ՄՓՎ օպերատիվ խումբը:

Պարզվել է, որ ձյան շերտի ծանրությունից փլուզվել է Մ. Ա.-ին պատկանող օժանդակ շինության տանիքը (մոտ 54 քմ):