Քյոլնի դեպքերից հետո Անգելա Մերկելը Գերմանիայի միգրացիոն օրենսդրության խստացման անհրաժեշտություն է տեսնում

Քյոլնում փախստականների կողմից կանանց վրա հարձակման դեպքերից հետո Գերմանիայի միգրացիոն օրենսդրությունը հարկավոր է խստացնել: Այս մասին հայտարարել է Գերմանիայի կանցլեր Անգելա Մերկելը:

«Նոր տարվա գիշերը տեղի ունեցածը սարսափելի զազրելի հանցագործություն է, որը պետք է որոշիչ պատասխան ստանա: Միգրացիոն օրենսդրության խստացումը կբխի ինչպես մեր քաղաքացիների, այնպես էլ փախստականների շահերից»,- ասել է Մերկելը: