Արա Սադոյանը՝ տարվա լավագույն վարչական շրջանի ղեկավար. հարցում

Lurer.com-ն իր ընթերցողների շրջանում հարցում էր անցկացնում հետևյալ հարցադրմամբ. «Ըստ Ձեզ՝ նշվածներից ո՞վ է տարվա լավագույն վարչական շրջանի ղեկավարը»: Խոսքը Երևան քաղաքի վարչական շրջանների մասին է:

Հարցման մասնակիցների մեծամասնությունը՝ 39%-ը (2851 ձայն), կարծում է, որ տարվա լավագույն վարչական շրջանի ղեկավարը Արա Սադոյանն է (Կենտրոն):

Մասնակիցների 35%-ը (2559 ձայն) կարծում է, որ լավագույնը Քանաքեռ-Զեյթուն վարչական շրջանի ղեկավար Արտակ Հանիսյանն է:

Դավթաշեն վարչական շրջանի ղեկավար Ռուսլան Բաղդասարյանի օգտին քվեարկել է մասնակիցների 13%-ը (960 ձայն), Նոր Նորք վարչական շրջանի ղեկավար Արմեն Ուլիխանյանի օգտին՝ 10%-ը (748 ձայն):

Արաբկիր վարչական շրջանի ղեկավար Հրայր Անտոնյանի օգտին քվեարկել է մասնակիցների 3%-ը միայն (231 ձայն):

Ընդհանուր առմամբ, հարցմանը մասնակցել է 7349 մարդ:

Հիշեցնենք, որ  2015թ. լավագույն պետական, քաղաքական, հասարակական, սպորտային և մշակութային գործիչներին որոշելու նպատակով դեկտեմբերի 10-ից 20-ը International Media Holding–ն անցկացրել է դեմ առ դեմ հարցումների շարք՝ 10 անվանակարգերով, որոնց արդյունքներով ամենաշատ ձայն ստացած 5 թեկնածուներից լավագույնին որոշելու համար անցկացվում են առցանց (online) քվեարկություններ Lurer.com և Mediamall.am կայքերում։