Տարեսկզբից հանրապետությունում գրանցվել է բոտուլիզմով հիվանդության 15 դեպք
ԱՐԽԻՎ
Տարեսկզբից հանրապետությունում գրանցվել է բոտուլիզմով հիվանդության 15 դեպք: Մահվան դեպքեր չեն գրանցվել, երկու հոգու վիճակը դեռևս գնահատվում է ծանր. նրանք բուժումն ստանում են հիվանդանոցում: «Արմենպրես»-ի փոխանցմամբ, Հ Հ ԱՆ Առողջապահական պետական տեսչության հիգիենայի բաժնի պետ Մարգարիտա Բաբայանը նշում է, որ վերջին դեպքը գրանցվել է հունվարի սկզբին: 9 անձից բաղկացած ընտանիքի 6 անդամները թունավորվել էին պահածոյացված շուշանից:
«Հիվանդությունն օջախային բնույթ է կրել: Նախորդ տարիներին նույն ժամանակահատվածում էլ արձանագրվել է բոտուլիզմի դեպք:
Հիմնականում վարակվում են թթուներից, պահածոյացված պղպեղից, լոլիկից, կանաչիներից»,- ասաց Բաբայանը՝ հավելելով, որ բոտուլիզմի ժամանակ սնունդի համը, հոտն ու տեսքը չեն փոխվում, հետևաբար օգտագործողը չի կարող համային տարբերություն տեսնել: Մարգարիտա Բաբայանը խորհուրդ է տալիս սնունդ օգտագործելիս ուշադիր լինել, պահածոները ևս մեկ անգամ եռացնել, որպեսզի սպորները վերջնականապես վնասազերծվեն:
Առողջապահության նախարարության աշխատակցի ներկայացմամբ, հիմնականում տնային պայմաններում պատրաստված պահածոներն են պարունակում վտանգ, քանի որ գործարանային պահածոները հատուկ ստերիլիզացում են անցնում, որպեսզի տարաների մեջ սպորները չվերածվեն թույների:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
