Քիշնևի կենտրոնում վերսկսվել է բողոքի բազմահազարանոց ակցիան

Քիշնևի կենտրոնում վերսկսվել է բողոքի բազմահազարանոց ակցիան: Ինչպես իրադարձությունների վայրից տեղեկացնում է ՏԱՍՍ-ի թղթակիցը, բողոքավորները շրջափակել են խորհրդարանի շենքը, ցուցարարների թիվը շարունակում է աճել:

Ոստիկանության գնահատումների համաձայն՝ ակցիային 10 հազար մարդ է մասնակցում: Նրանք պահանջում են չեղյալ հայտարարել կառավարության կազմի հաստատման շուրջ հունվարի 20-ին անցկացված քվեարկությունը, կազմացրել խորհրդարանը և նշանակել վաղաժամկետ ընտրությունների օրը:

Հավաքվածները ներկայացնում են աջ «Քաղաքացիական պլատֆորմ DA»-ն, ինչպես նաև ձախամետ «Սոցիալիստների կուսակցությունը և «Մեր կուսակցությունը»:

Ինչպես հաղորդում է «Ինտերֆաքս»-ը, բողոքի ակցիայի մասնակիցները պարզել են Մոլդովայի պետական դրոշները և վանկարկում են՝ «Վաղաժամկետ ընտրություններ», «Կորչի խորհրդարանը», «Ոչ՝ օլիգարխների կառավարությանը», «Ավազակներին՝ բանտ»:

Մոլդովայի մայրաքաղաքի կենտրոնում ուժեղացված են անվտանգության միջոցները: