Ռիչարդ Միլզը՝ տարվա լավագույն դեսպան. հարցում

Lurer.com-ն իր ընթերցողների շրջանում հարցում էր անցկացնում հետևյալ հարցադրմամբ. «Ըստ Ձեզ՝ նշվածներից ո՞վ է տարվա ամենաակտիվ հանրային դիվանագիտություն իրականացնող օտարերկրյա առաքելության ղեկավարը» (Հայաստանում նստավայր ունեցող):

Հարցման մասնակիցների մեծամասնությունը՝ 36%-ը (2420 ձայն), կարծում է, որ տարվա լավագույն հանրային դիվանագիտություն իրականացնող օտարերկրյա առաքելության ղեկավարը Ռիչարդ Միլզն է (ԱՄՆ):

Հավասարաչափ ձայներ են հավաքել Իվան Վոլինկինը (ՌԴ) և Ժան Ֆրանսուա Շարպանտիեն (Ֆրանսիա), համապատասխանաբար ստանալով հարցման մասնակիցների ձայների 24%-ը (1600 ձայն):

Բերնհարդ Մաթիաս Քիսլերի (Գերմանիա) օգտին քվեարկել է մասնակիցների 9%-ը (600 ձայն),  Թիան Էրլունի  (Չինաստան) օգտին 7%-ը (500 ձայն):

Ընդհանուր առմամբ, հարցմանը մասնակցել է 6720 մարդ: