ԱՄԷ-ն Երևանում կկառուցի դեսպանության նոր շենք

ՀՀ կառավարությունն Արաբական Միացյալ Էմիրություններին սեփականության իրավունքով կտրամադրի 0.7 հեկտար հողատարածք՝ դեսպանության շենքի կառուցման նպատակով: Այդ մասին որոշման նախագիծն ընդգրկված է կառավարության հունվարի 29-ի նիստի օրակարգում:

Հողատարծքը գտնվում է Երևանի Ծովակալ Իսակովի պողոտայում:

2009 թվականի հունիսի 21-ի Հայաստանի և ԱՄԷ-ի կառավարությունների միջև ստորագրվել էր դիվանագիտական ներկայացուցչություն հիմնելու նպատակով հողատարածքի նվիրատվության համաձայնագիր: