Թուրքիայում ձերբակալվել են Պիկսոյի կտավը վաճառողները

Ստամբուլի Բաքըրքյոյ թաղամասում ձերբակալվել են երկու անձինք, որոնք փորձել են վաճառել Պաբլո Պիկասոյի «Մերկ կինը, որը մազերն է սանրում» կտավը:

Ինչպես հաղորդում է «Արմենպրես»-ը' վկայակոչեոլով թուրքական Demokrat Haber կայքը, ձերբակալվածները վերազգային հանցավոր խմբավորման անդամներ են:

Ոստիկանության աշխատակիցները խմբավորման անդամներին ներկայացել են որպես գնորդներ, անգամ պայմանավորվել են 1 մլն դոլար զեղչ արվելու մասին, հետո ձերբակալել են չարագործներին:

Կտավի կեղծ լինել-չլինելը պարզելու համար այն ուղարկվել է Ստամբուլի համալսարան հետազոտության: