ԱՀԿ-ն քննարկում է Զիկա վիրուսի տարածման հետ կապված իրադրությունը
ԱՐԽԻՎ
Առողջապահության համաշխարհային կազմակերպության (ԱՀԿ) Արտակարգ կոմիտեն փետրվարի 1-ին նիստ Է գումարում՝ որոշելու, թե Լատինական Ամերիկայում Զիկա վիրուսի բռնկումն արդյոք համաշխարհային մասշտաբի սպառնալիք Է, տեղեկացնում Է «Արմենպրես»-ը:
Կոմիտեի նիստը կլինի դռնփակ, այն հեռախորհրդաժողովի ձեւով կանցկացվի կազմակերպության բարձրագույն օղակի ղեկավարների եւ այն երկրների ներկայացուցիչների միջեւ, որտեղ վիրուսը տարածվում Է: Դրան կմասնակցեն նաեւ աշխարհի այլ երկրների փորձագետներ:
Ինչպես սպասվում Է, կոմիտեի որոշումը կհրապարակվի փետրվարի 2-ից ոչ շուտ:
«Անհանգստության մակարդակը չափազանց բարձր Է»,- հունվարի 28-ին ասել Է ԱՀԿ-ի ղեկավար Մարգարետ Չանը՝ հայտարարելով արտահերթ նիստ գումարելու պլանների մասին:
Նա նշել Է, որ նիստի նպատակն Է՝ որոշել, թե կարելի Է արդյոք վիրուսի բռնկումը որակել որպես առողջապահության բնագավառում միջազգային մակարդակի արտակարգ իրադրություն, հաղորդել Է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
