Gucci-ն իր մրցակցին մասնակից է դարձրել մանկական հավաքածուի ստեղծմանը

Gucci իտալական նորաձեւության տունը թողարկման Է պատրաստում մանկական հագուստի նոր հավաքածու: Ինչպես հաղորդում Է «Արմենպրես»-ը՝ հղում անելով Fashionmag-ին, հայեցակարգի մշակմամբ զբաղվելու Է մոդելագործ Սանդրին Դելոյը, որն ավելի վաղ համագործակցում Էր Burberry-ի հետ:

Հրատարակությունը չի ճշտում, թե հատկապես ինչ մոդելներ են ներկայացվելու շարքում, բայց արդեն հայտնի Է, որ Դելոյի դեբյուտը կկայանա ձմեռային հավաքածուի ցուցադրմանը:

Gucci իտալական նորաձեւության տունը հիմնադրվել Է 1921 թվականին մոդելագործ Գուչո Գուչիի կողմից: Ներկայում ընկերությունը մասնագիտանում Է հագուստի, պարֆյումերիայի, աքսեսուարների եւ տեքստիլի թողարկման բնագավառում: 2015 թվականի հունվարից ընկերության կրեատիվ տնօրենի պաշտոնն զբաղեցնում Է մոդելագործ Ալեսանդրո Միկելեն: Նոյեմբերի կեսերին նա Է արժանացել դիզայնի բնագավառի International Designer Award միջազգային մրցանակին:

Նորաձեւության տանը մանկական հագուստն արտադրվում Է 2011 թվականից, իսկ Դելոյն սկսել Է ընկերությունում աշխատել անցած տարվա աշնանից: Մինչ այդ նա համագործակցել Է Burberry-ի, Marc Jacobs-ի, Bonpoint-ի, Gap-ի, Abercrombie & Fitch-ի եւ Petit Bateau-ի հետ: