Ցուկերբերգը չորրորդ տեղն է բարձրացել աշխարհի ամենահարուստ մարդկանց ցուցակում

Facebook սոցիալական ցանցի հիմնադիր Մարկ Ցուկերբերգն աշխարհի ամենաունեւոր մարդկանց ցուցակում չորրորդ տեղն Է զբաղեցրել այն բանից հետո, երբ նրա ընկերությունը հրապարակեց չորրորդ եռամսյակի տպավորիչ հաշվետվությունը եւ նրա բաժնետոմսերի գներն աճեցին, տեղեկացնում Է «Արմենպրես»-ը՝ հղում անելով Bloomberg գործ ակալությանը:

Ցուկերբերգի կարողությունը գնահատվում Է 50 մլրդ դոլար: Այդ ցուցանիշով նա առաջ Է անցել Amazon-ի ղեկավար Ջեֆ Բեզոսից (49,1 մլրդ դոլար), որը տարվա սկզբից կորցրել Է 10,6 մլրդ դոլար, եւ Movil SAB-ի ղեկավար Կառլոս Սլիմից (49 մլրդ դոլար), որի կորուստները գնահատվում են 3,3 մլրդ դոլար:

Աշխարհի ամենահարուստ մարդկանց եռյակում տեղ են գտել Microsoft-ի հիմնադիր Բիլ Գեյթսը, Inditex իսպանական ռիթեյլերի ղեկավար Ամանսիո Օրտեգան եւ ներդրող Ուորեն Բաֆեթը:

Նշվում Է, որ Ցուկերբերգը դարձել Է ցուցակի վերին մասի միակ միլիարդատերը, որի կարողությունն ավելացել Է տարեսկզբից: 2016 թվականին Facebook-ի բաժնետոմսերը թանկացել են 9,5 տոկոսով:

Սոցցանցի ակտիվ օգտատերերի թվաքանակը չորրորդ եռամսյակի վերջին կազմել Է 1,59 միլիարդ, ինչը 2,6 տոկոսով ավելի Է, քան մեկ եռամսյակ առաջ, հաղորդել Է «Ինտերֆաքս»-ը: