Կառավարությունը 2016-ին հիմնելու է 30 նոր նախակրթարան

ՀՀ կրթության և գիտության նախարարությունն ընթացիկ տարում իրականացնելու է նախադպրոցական կրթության մատչելիության և հանրակրթության որակի ու արդյունավետության բարձրացմանն ուղղված ծրագրեր:

Այդ ուղղությամբ աշխատանքների իրականացումն ընդգրկված է կառավարության 2016 թվականի գերակա ծրագրերի թվում: Ըստ գերատեսչության՝ գերակա խնդրի անհրաժեշտությունը պայմանավորված է պետական քաղաքականության նպատակով' ապահովել ավագ նախադպրոցական տարիքի երե­խաների (հատկապես սոցիալապես անապահով) համընդհանուր կրթությունը: Այդ նպատակով 2016-ին նախատեսվում է հանրապետությունում հիմնել շուրջ 30 նախակրթարան' առնվազն 600 երեխայի ընդգրկմամբ: Միաժամանակ, ծրագրվում է 2016-ին հիմնանորոգել 17 ավագ դպրոց, ներդնել կրթության գերազանցության ազգային ծրագիրն ու «Ազգային երգ ու պար» առարկան' ուսուցիչների վերապատրաստման համար, ՀՀ Շիրակի մարզի թվով 163, ՀՀ Արմավիրի մարզի թվով 118, Երևանի ևս 100 ուսումնական հաստատությունների 5-րդ դասարաններում: