Էրդողանի պարտությունը՝ սիրիական հակամարտությունում. Public Radio International

Խաղադրույք կատարելով Ասադի տապալման վրա և ԱՄՆ-ի կողմից մշտական աջակցության վրա հույս դնելով՝ Թուրքիայի նախագահ Ռեջեփ Թայիփ Էրդողանը հաշվի չի առել այն փաստը, որ իրավիճակն արմատապես կարող է փոխվել և նրա դեմ շրջվել, հայտնում է Public Radio International-ը:

Երկար ժամանակ Վաշինգտոնի ծրագիրը կայանում էր ցանկացած միջոցներով Ասադի տապալմանը հասնելու մեջ, ինչպես ապստամբների աջակցությամբ, այնպես էլ ՄԱԿ-ի բանակցությունների ընթացքում ճնշման աստիճանական ավելացումով: Այդուհանդերձ, տվյալ ծրագիրն այժմ հարցականի տակ է, հատկապես անցյալ շաբաթ Հալեպի տպավորիչ առաջընթացից հետո, որը տեղի է ունեցել կառավարական զորքերի կողմից՝ ռուսական ռազմատիեզերական ուժերի աջակցության շնորհիվ, գրում է պարբերականը:

Էրդողանը ցանկանում է, որպեսզի Միացյալ Նահանգները կոշտ դիրքորոշում զբաղեցնեն Սիրիայի հարցով, կանգնեցնեն ռուսական գործողությունը և թույլ չտան Հալեպի ապստամբներին վերջնականորեն հանձնվել, կարծում է Օքլահոմայի համալսարանի՝ մերձարևելյան ուսումնասիրությունների կենտրոնի տնօրեն Ջոշ Լենդիսը:

«Թուրքիան զգում է, որ ԱՄՆ-ն և Եվրոպան երես են թեքել նրանից, և արդյունքում իր անհեռատես մերձարևելյան քաղաքականության պատճառով տուժում է»: Վաշինգտոնը, ըստ երևույթին, Սիրիայում «դուրս է գալիս խաղից», ինչը թույլ կտա Ռուսաստանին առանցքային դեր խաղալ հակամարտության մեջ, և, ի վերջո, տարածաշրջանում իր համար առավել բարենպաստ իրավիճակ ստեղծել, նշում է Լենդիսը:

«Թուրքիան կատաղության մեջ է, քանի որ մեծ հույսեր էր կապում սիրիացի ապստամբների հետ: Նա վստահ էր, որ ԱՄՆ-ն, ամեն գնով կաջակցի նրան՝ Ասադին տապալելու գործում: Սակայն, այժմ, ամեն ինչ տանում է նրան, որ Սիրիայի նախագահը կկարողանա վերագրավել երկիրը և հաստատել իր իշխանությունը»:

Այդ դեպքում, սիրիացի քրդերը, որոնք ամենաշատն են անհանգստացնում Էրդողանին՝ Դամասկոսում հովանավոր կստանան և ձեռք կբերեն զգալի ինքնավարություն, ինչը Թուրքիայի նախագահի ռեժիմը ռիսկի տակ կդնի, եզրափակում է վերլուծաբանը: