Հայրս՝ նախագահ. Lenta.ru-ի ֆոտոշարքը

Քաղաքական գործիչների երեխաները միշտ ԶԼՄ-ների և քաղաքացիների ուշադրության կենտրոնում են, հատկապես, եթե նրանք իգական սեռի ներկայացուցիչներ են: Lenta.ru-ն ներկայացնում է ժամանակակից քաղաքական գործիչների դուստրերի ֆոտոշարքը:

Իվանկա Թրամփ և Թիֆանի Թրամփ

Շինարարական մագնատ և քաղաքական գործիչ Դոնալդ Թրամփի ավագ դուստրը՝ 34-ամյա Իվանկան, հանրային անձ է մանկուց: Միշտ երազել է մոդելի կարիերայի մասին:

Նա զբաղեցրել է «Trump Organization»-ի փոխնախագահի պաշտոնը: Ամուսնացած է, ունի երկու երեխա, սպասում է՝ երրորդին:

Իվանկայի խորթ քույրը՝ 22-ամյա Թիֆանին է: Նա բավականի ակտիվ է սոցիալական ցանցերում: Թիֆանին ավելի քան 85,000 հետևորդ ունի Instagram-ում: Նա սոցիոլոգիա է ուսումնասիրում Փենսիլվանիայի համալսարանում:

Մալիա և Սաշա Օբամաներ

ԱՄՆ-ի նախագահի երեխային չի թույլատրվում օգտվել սոցիալական ցանցերից, սակայն անգլալեզու ԶԼՄ-ները հետևում են նրանց յուրաքանչյուրին քայլին: Մալիան 17 տարեկան է, իսկ Սաշան՝ 14: Քույրերը սովորում են Վաշինգտոնի Sidwell Friends School մասնավոր դպրոցում:

Լեյլա Ալիևա

30-ամյա Լեյլան Ադրբեջանի նախագահ Իլհամ Ալիևի ավագ դուստրն է և Հեյդար Ալիևի (պետության նախկին ղեկավարի) թոռնուհին: Նա «Բաքու» ամսագրի գլխավոր խմբագիրն է, Հեյդար Ալիևի հիմնադրամի փոխնախագահը, Ռուսաստանի ադրբեջանական երիտասարդական կազմակերպության նախագահը, «Շրջակա միջավայրի պաշտպանության հարցով միջազգային երկխոսության նախաձեռնության» հիմնադիրը:

Ալիևան երեք երեխա ունի. երկու որդի և մեկ որդեգրած դուստր: Ամուսնու հետ՝ Crocus Group ընկերության փոխնախագահ և երաժիշտ Էմին Ագալարովից, Լեյլան ամուսնալուծվել է: