ԱՄՆ Միչիգան նահանգում կրակոցների զոհերի թիվն աճել է մինչև յոթը, կասկածյալը ձերբակալված է

ԱՄՆ Միչիգան նահանգում առնվազն յոթ մարդ զոհվել, մեկը վիրավորվել է կրակոցներով միջադեպերի շարքի արդյունքում։ Այս մասին տեղեկացնում է АВС հեռուստաընկերությունը։

Ինչպես տեղեկացնում է «Արմենպրես»-ը՝ վկայակոչելով ՏԱՍՍ-ը, ոստիկանությունը ձերբակալել է կրակոցների մեջ մեղադրվող 45-ամյա տղամարդուն և հարցաքննում է նրան։ Ձերբակալվածի ավտոմեքենայում զենք է հայտնաբերվել։

Ավելի վաղ տեղի ԶԼՄ-ները հայտնել էին, որ Կալամազուի մի քանի շրջաններում ավտոմեքենայով անհայտ տղամարդը կրակել է։ Սկզբում նա սկսել է կրակել մասնավոր տան մոտ՝ վիրավորելով մի կնոջ։ Այնուհետև, երեք ժամ անց, հանցագործը միջադեպի առաջին վայրից մի քանի կիլոմետր հեռու ևս երկու մարդ է սպանել և վիրավորել մեկին։ Հետո նույն մարդն սպանել էմիանգամից չորս մարդու և վիրավորել մեկին տեղի ռեստորանի մոտ գտնվող ավտոկայանատեղիում, ինչից հետո փախել է։

Նախնական տվյալներով՝ հանցագործի զոհերը որևէ կապ չունեն մինյանց հետ։