Ադրբեջանն անցած գիշեր Արցախի ուղղությամբ արձակել է 700 կրակոց

Ղարաբաղա-ադրբեջանական հակամարտ զորքերի շփման գծում փետրվարի 23-ին և լույս 24-ի գիշերը հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 700 կրակոց:

Ինչպես տեղեկացնում են ԼՂՀ պաշտպանության նախարարության մամուլի ծառայությունից, ՊԲ առաջապահ զորամասերը շարունակում են վստահորեն իրականացնել մարտական հերթապահություն՝ խիստ անհրաժեշտության դեպքում դիմելով նաև պատասխան գործողությունների: