Աֆղանստանի արևելքում պայթյունից առնվազն 10 մարդ է զոհվել
ԱՐԽԻՎ
Մահապարտ ահաբեկիչը հարձակում է իրականացրել Աֆղանստանի արևելքում՝ Քունար նահանգի Ասադաբադ քաղաքում: Պայթյունի արդյունքում զոհվել է առնվազն 10 մարդ, վիրավորվել՝ 15-ը: Ինչպես տեղեկացնում է «Արմենպրես»-ը՝ այս մասին հայտնել է Pajhwok գործակալությունը:
Աղբյուրի փոխանցմամբ՝ վերջին ամիսների ընթացքում Աֆղանստանում իրավիճակը զգալիորեն վատացել է: «Թալիբան» ծայրահեղական շարժումը վերջերս իր ձեռքի տակ է առել երկրի գյուղական տարածքների ճնշող մասը: Այն նաև հարձակումներ է իրականացրել խոշոր քաղաքների վրա:
Աֆղանստանում մեծացել է նաև «Իսլամական պետություն» խմբավորման ազդեցությունը, որը մրցակցում է «Թալիբան»-ի հետ: Հունիսին ԶԼՄ-ները հայտնել էին, որ «Թալիբան» շարժման ներկայացուցիչները նամակ են ուղարկել «ԻՊ»-ին՝ հորդորելով չխառնվել թալիբների գործերին Աֆղանստանում: Ավելի վաղ երկրի տարածքում խմբավորումների միջև բախումներ են տեղի ունեցել:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
