Եթե ես կառչած լինեի իմ աթոռին, կմնայի պաշտոնիս. Սուրեն Զոլյան

ԵՊԼՀ ռեկտոր Սուրեն Զոլյանը չի պատրաստվում մասնակցել համալսարանի ռեկտորի պաշտոնի համար հայտարարված մրցույթին, քանի որ համոզված է, որ իրեն աշխատանքից ազատելու անօրինական հրամանը հետ կկանչվի։

Վերջինս երկու օր առաջ դիմել է վերաքննիչ դատարան և այժմ սպասում է գործի հետագա զարգացումներին։

Պատասխանելով լրագրողի այն հարցին, թե հնարավո՞ր է, որ իր պաշտոնում վերականգնվելուց հետո Զոլյանը հրաժարվի իր պաշտոնից, վերջինս նշեց, թե հասկանում է հարցի ենթատեքստը։

«Եթե ես կառչած լինեի իմ աթոռին կասեի՝ ինչ լավն ես դու, մեր նախարար, և կմնայի իմ պաշտոնին», – վրդովվեց նա։ 

Իսկ թե որքանով կազդի այս պատմությունը համալսարանի վարկանիշի վրա, Սուրեն Զոլյանը կարծում է, որ իհարկե կազդի և այլն էլ՝ բացասական առումով, և դա էլ իր հերթին «ցույց կտա, որ մեր նախարարությունը որևէ քայլ անելուց առաջ չի մտածում հետևանքների մասին»։ 

Անդրադառնալով իր պաշտոնում չվեականգնվելու դեպքում ձեռնարկվելիք քայլերին, Զոլյանը նշեց, որ եվրոպական մի շարք համալսարաններից արդեն ունի դասախոսելու հրավերներ։

Նշենք նաև, որ Սուրեն Զոլյանը որպես պրոֆեսոր այժմ դասավանդում է համալսարանում։