Սուրեն Զոլյանի բացահայտումները վերաբերում են Աշոտյանի անձի՞ն (տեսանյութ)
ԱՐԽԻՎ
Ընկածին չեն խփում: Այս կարծիքն Արմեն Աշոտյանի մասին հայտնեց ԵՊԼՀ ռեկտոր Սուրեն Զոլյանը՝ պատասխանելով լրագրողի հարցին, թե ինչ սենսացիոն բացահայտումներ է խոստացել անել: «Ես հիմա նպատակահարմար չեմ գտնում նրա անձի վրա կենտրոնանալ, պետք է ուղղակի փոխվի գործը և գործելակերպը, և, միգուցե, նախարարության կադրերը պետք է ևս փոխվեն», - հավելեց նա:
Լրագրողի այն հարցին, թե կարելի՞ է արդյոք ենթադրել, որ այդ բացահայտումները վերաբերում են նախարարի անձին, Զոլյանը պատասխանեց, թե «Աշոտյանի մասին արդեն անիմաստ է խոսել. նա գնացող նախարար է, հարկ է մտածել գործի շարունակության մասին»:
Իսկ թե պայմանավորված է արդյոք Զոլյանի և Աշոտյանի միջև հակասությունը միջանձնային հարաբերություններում հնարավոր խնդիրներով, ռեկտորը նշեց, որ՝ ոչ.
«Ինչպես ես ասացի սկզբում՝ մենք խոսում ենք սկզբունքային խնդիրների մասին՝ ինչպես ենք պատկերացնում բարձրագույն կրթության զարգացումը, գիտելիքի զարգացումը, այլ ոչ՝ սերժանտական ներկա-բացակայի: Տարբեր մոտեցումներ են՝ ինչ բան է կառավարումը և ինչ է բարձրագույն կրթության ոլորտը», – եզրափակեց նա:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
