Գործում է 080-080-804 թեժ գիծը

Ընտրական իրավունքի խախտումների հայտնաբերման և անվճար իրավական աջակցություն ցուցաբերելու նպատակով գործում է 080-080-804 թեժ գիծը։

Քաղաքացիական հասարակության ինստիտուտը ՀԿ-ն իրականացնում է«Ընտրություններ 2012»-ը իրավական նախաձեռնությունը՝ պաշտպանելու մարդկանց իրավունքներն ընտրական գործընթացում։

Քվեարկության օրը՝ մայիսի 6-ին, խախտման մասին ահազանգերին կարձագանքեն «Իրավական շտապ օգնության մեքենաները, որոնց կազմում կլինեն մեկական լրագրող, դիտորդ և փաստաբան: Թեժ գծի միջոցով ստացված ահազանգերի հիման վրա մեքենաները կմեկնեն դեպքի վայր՝ անհրաժեշտ իրավական խորհրդատվություն և օգնություն տրամադրելու նպատակով։

Խոսքի ազատության պաշտպանության կոմիտեում գործելու է թեժ գիծ լրագրողների համար: Լրագրողները, եթե խորհրդարանական ընտրությունների լուսաբանման ընթացքում խախտվեն իրենց իրավունքները, կարող են զանգահարել «Թեժ գծի հեռախոսահամարներով՝ (010) 53-38-95, (093) 10-70-85, կամ գրել էլեկտրոնային փոստի՝ [email protected] հասցեով:

ԽԱՊԿ արագ արձագանքման խումբը տեղում կուսումնասիրի ստացված ահազանգերը եւ կձեռնարկի համապատասխան միջոցներ: