Ելցինի, Գորբաչովի և Ստալինի թոռները (լուսանկարներ և փաստեր)

Anews.com-ը ներկայացնում է ՌԴ նախկին բարձրաստիճան պաշտոնյաների ժառանգներին:

Ելցինի թոռները

ՌԴ առաջին նախագահը վեց թոռ ունի: Առավել հայտնին, իհարկե, Բորիս Ելցին կրտսերն է, Ելցինի կրտսեր դստեր՝ Տատյանա Ելցինայի որդին: Փետրվարին լրացել է նրա 35 ամյակը:

Հայտնի է, որ նա բաժանվել է ընկերուհուց՝ 26-ամյա սերբ մոդել Տամարա Լազիչից, ով հայտնվել է հայտնի Intimissimi բրենդի գովազդում:

Instagram-ի մեկ այլ բարձրացող աստղ է Բորիսի փոքր քույրը՝ 13-ամյա Մարիան (ապրիլին կլրանա նրա 14 ամյակը):

Նա մանկուց ի վեր օտարերկրյա դայակների օգնությամբ սովորել է անգլերեն ֆրանսերեն լեզուները (այժմ ազատ տիրապետում է երկուսին էլ), իսկ հեղինակավոր դպրոցում ուսումը համատեղել է բալետի, դաշնամուրի, թենիսի, լողի, գեղարվեստական մարմնամարզության, շախմատի, ձիասպորտի, երգի և նկարչության հետ:

Բորիսն ու Մաշան ևս մեկ եղբայր ունեն՝ 20-ամյա Գլեբը: Նա ծնվել է Դաունի սինդրոմով, և այդ տեղեկությունից բացի՝ Ելցինի թոռան մասին գրեթե ոչինչ հայտնի չէ: Սակայն, Instagram-ի շնորհիվ հայտնի է դարձել, որ մեկ տարի առաջ Գլեբը «ոսկի» է շահել լողի Եվրոպայի առաջնությունում՝ նույն պաթոլոգիայով մարդկանց շրջանում:

Ելցինի մյուս թոռնուհին՝ Մաշա Օկուլովան է: 20 տարեկանում՝ ՄՄՀՊԻ-ում ուսման տարիներին, Մարիան ամուսնացել էր գործարար Միխայիլ Ժիլենկովի հետ, ով գրեթե 10 տարով նրանից մեծ է: 

Գորբաչովի թոռնուհիները

ԽՍՀՄ առաջին և վերջին նախագահը, ով շատ էր սիրում իր կնոջը, որին վաղուց է կորցրել, ճանաչում է վերջինիս գծերը ոչ միայն իր միակ դստեր՝ Իրինա Վիրգանսկայայի, այլև ավագ թոռնուհու՝ 36-ամյա Քսենիայի մեջ: 

Քսենիան ավարտել է ՄՄՀՊԻ-ն (միջազգային լրագրող), խոշոր ընկերությունում աշխատել է որպես PR-մասնագետ, որոշ ժամանակ եղել է հեղինակավոր L'Officiel ամսագրի նորաձևության խմբագիրը: Նա ամուսնացած է, ունի 7-ամյա դուստր: Գորբաչովի ծոռնուհին նույնպես նրա ազգանունն է կրում և ծնողների հետ Գերմանիայում է բնակվում:

Միխայիլ Սերգևիչի կրտսեր թոռնուհին՝ Անաստասիան մարտի վերջին 29 տարեկան կդառնա: Նա նույնպես լրագրություն է սովորել ՄՄՀՊԻ-ում և չի հանդուրժում քաղաքականության մասին զրույցները: 2010 թ.-ից նա ամուսնացած է գովազդի մասնագետ Դմիտրի Զանգիևի հետ:

Ստալինի թոռնուհին

Ժողովուրդների հայր Ստալինը 9 հարազատ թոռ է ունեցել: Ամենակրտսերը՝ 44-ամյա Քրիս Էվանսն է, ով տխրահռչակ Սվետլանա Ալիլուևայի դուստրն է, ով փախել է ԱՄՆ՝ լքելով իր ավագ երեխաներին՝ 20 և 16-ամյա:

Քրիս Էվանսը բնակվում է Օրեգոն նահանգի՝ Պորտլենդի արվարձանում: Նրան է պատկանում մի փոքրիկ խանութ: Ռուսերեն չի խոսում: Նա պնդում է, որ մինչև դեռահասության տարիները չի իմասել ոչ «ստալինյան ռեժիմի», ոչ էլ  իր պապի գործերի մասին, և չէր հասկանում, թե ինչու են պապարացիները հետապնդում նրան և իր մորը: