Թուրքիայի և Մեծ Բրիտանիայի վարչապետները հեռախոսազրույց են ունեցել

Միացյալ Թագավորության և Թուրքիայի վարչապետներ Դևիդ Քեմերոնը և Ահմեդ Դավութօղլուն հեռախոսազրույց են ունեցել: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:

Բրիտանական կողմի նախաձեռնությամբ իրականացված հեռախոսազրույցի ժամանակ Քեմերոնը ցավակցել է Անկարայում իրականացված ահաբեկչության առնչությամբ և հայտնել իր աջակցությունը թուրքական պետությանը:

Ահաբեկչությունից զատ կողմերը քննարկել են նաև Թուրքիա-ԵՄ համագործակցության հարցը: